(ខេត្តសៀមរាប) ៖ នៅថ្ងៃអង្គារ ៤កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនិងថ្ងៃទី២៩ ខែកក្តដា ឆ្នាំ២០២៥នេះលោក ឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានដឹកនាំកម្លាំង ចូលរួមការពារសន្តិសុខ សណ្តាប់ធ្នាប់សាធារណ និងសុវត្ថិភាពជូនលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញចុះពិនិត្យនិងសួរសុខទុក្ខ បងប្អូនប្រជាពលរដ្ឋដែលជាជនភៀសសឹក ពីតំបន់ភូមិសាស្ត្រខេត្តជាប់ព្រំដែន មកស្នាក់នៅបណ្ដោះអាសន្ន នៅក្នុងជំរំសុវត្ថិភាព ដែលមានចំនួន៣ទីតាំងក្នុងខេត្តសៀមរាបរួមមានដូចជាមណ្ឌលសុវត្ថិភាពក្នុងបរិវេណវត្តខ្នារតេជោ ក្នុងភូមិខ្នារ ឃុំជន្លាស់ដៃ ស្រុកក្រឡាញ់ ចំនួន១០០០ គ្រួសារ ស្មើនឹង៣.៨៦៨នាក់ មណ្ឌលសុវត្ថិភាពក្នុងបរិវេណវត្តចារឈូក ក្នុងភូមិជូនស្វា ឃុំចារឈូក ស្រុកអង្គរជុំ មានចំនួន៤០០គ្រួសារ ស្មើនឹង១២៨៩នាក់ និងមណ្ឌលសុវត្ថិភាពក្នុងបរិវេណវត្តជ្រោយនាងងួន ក្នុងភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប ចំនួន១០០០គ្រួសារ ស្មើនឹង៣១៧៨នាក់។
ក្នុងនោះលោកជំទាវបានឧបត្ថម្ភជាស្បៀងក្នុងមួយគ្រួសារទទួលបានស្បៀងមួយកញ្ចប់ធំ និងថវិកាមួយចំនួន ជូនដល់ក្រុមគ្រួសារប្រជាពលរដ្ឋថែលជសជនភៀសសឹកផងដែរ។
